مواصفات الرئيس الجديد......

[ندعوك للتسجيل في المنتدى أو التعريف بنفسك لمعاينة هذه الصورة]

مواصفات الرئيس الجديد على تويتر..

ألا يكون من المنوفية أو يعرف حد منها .. ونمضيه على كمبيالات عشان نضمن يسيب الحكم

حدد نشطاء على تويتر ملامح الرئيس القادم الذي يريدونه.. فقد دار نقاشا واسعا واضحا الإصرار على أن يكون مخالفا لمبارك

في كل شيء فكتبوا بسخرية عن صفاته..

لا يكون من المنوفية او يعرف اى حد من المنوفية

ــ لا يكون حريصا كل الحرص

ــ نفسيته مابتحزش من ما يلاقيه من أبناء وطنه

ــ ثبت طبيا انه لن ينجب بنات

ــ يبقى بيغير على مراته جدا وميوريناش وشها السمح

ــ زملكاوي

ــ عنده حساسية من ميدان مصطفى محمود

ــ مايروحش شرم الشيخ

ــ صور مراته ماتنزلش ع الكتب

ــ ما يبدأش خطبه بأيها الأخوة المواطنون

ــ ما يكونشي عنده أي ضربة لا أولى ولا ثانية ولا ثالثة

ــ مايكونشي ابنه مفجر ثورة التحديث والشباب

ــ لا يكون قام بثورة ولا حارب ولا طلع في ضربة جوية

ــ لو عبارة غرقت يقلع وينط يجيب الناس م الميه

وبدا واضحا ان هناك رغبة أكيده في إلا يكون متعاليا على الناس او منتميا لطبقة أخرى

ــ يكون فودافون ومشترك في حكاوي فرندز .. ورقمي من ضمن التلات أرقام

ــ يكون متعلم في مدارس حكومية عشان يعرف اد ايه الشعب أصيب بالغباء

ــ بيشرب شاي العروسة

ــ بيتعالج في التأمين الصحي وبيقف في الطابور كمان

ــ يكون عنده أكونت على تويتر عشان أما اتخنق منه اعمله بلوك

ــ مراته تكون حوله، أيوه حوله عشان نعرف نعايره، ما احنا شعب منفسن

ــ يقعد على القهوة ويخسر ويحاسب على المشاريب

وبدا واضحا بين إصرار المدونون ان تكون شرعيته نابعه من الثورة و ليس من دوره الوطني..

ــ مش فى كل خطاب يطلع فيه يقول انا عملت وعملت..!! لازم يحيى الثورة كل يوم الصبح لحد ما فترته تنتهى

ــ و ما يخليش أي مسئول يبدأ كلامه بناء علي توجيهات السيد الرئيس

ــ مايكونش ماسوني ولا لابس حظاظة

ــ اللي يصفق له وينافقه يعتقله

ما يقعدش في القصر الجمهوري ياخد شقة إيجار جديد

ــ لازم يكون مطلق اللحية وحافف الشارب وبيصلي الـ 5 صلوات في الجامع غير صلاة السنة عشان نتأكد انه مسلم

ــ عايزه يربى دقنه وينزل يصلى فى الجامع و الامن الوطنى يقفشه

ــ عايزين رئيس شيخ مش رئيس شرم

ــ كل الشعب يبقى عنده الملف بتاعه هو ومرتضى منصور

ــ لازم يقول لنا مين اللي كان واقف ورا عمر سليمان

وأصر المدونون على تويتر على إيجاد ضمانات كي يترك السلطة و حددوا مجموعة من الضمانات الساخرة مثل..

ــ ميغيرش كل حاجة ف البلد على اسمه

ــ مايقعدش علي كرسي الحكم يفضل واقف جنبه احنا لسه هانشيل ونخلع

ــ نمضيه على كمبيالات ونخليها معانا لحد ما يسيب الحكم

ــ يكون بيكره صفوت الشريف مش زي التلاتة اللي فاتوا

ــ مايكونش عمره ساق طياره وميكونش اسمه شفيق

ــ مايكونش بيلبس بلوفر ولا بدلة متخيطة باسمه

الفجر

هههههههههههههه

بصي من الاخر كل الصفات دي ملهاش لازمه

اساسا الريس الجديد مش هيقدر يعمل معانا حاجه

ولو عمل ميدان التحرير مش بعيد

يومــــــــــــين ونخلعه

توبيك رائع جدا

نورتي التوبيك يا دووودي

صح مفيش رئيس دوولة هايجي يقدر يعمل حاجة زي زمان

[ندعوك للتسجيل في المنتدى أو التعريف بنفسك لمعاينة هذه الصورة]

» الرئيس المؤتمن(احمد مطر)
» تكفير الرئيس الايراني للصحابه
» تصويت الضيف الجديد لكرسي الاعتراف