برضه مش هتناقشونى؟

اظن بقى خلصنا المذاكرة والامتحانات وخدنا الاجازة
والنتيجة هنكون خيير ان شاء الله
الى انا اقصده اننا بقى عندنا وقت علشان نتناقش
اظن اننا محتاجين نسأل نفسنا سؤال
يمكن سألته قبل كده بس زيادة الخير تلاتة
ياجماااعة احنا فين
انت فين انتى فين
موقعك فين
انت او انتى حاسين انكم عايشين
هل حياتكم فيها قضية
ولا عايشين لان ربنا لسة ماأذنش
ياترى عاجبك المكان الى انت فيه
ولا زهقت ونفسك تتغير
وتثور
وتبقى انسان عنده قضية وهدف وحلم وايمان
ياترى انت فين؟

انا قاعد في بيتنا
وكاره حياتي
ونفسي ابقي غيري خالص
في مكان غير المكان وبلد غير البلد وناس غير الناس

هو العيب مش فى الزمان ولا فى المكان ولا فى بلد
العيب الحقيقى بيبقى فى الانسان
الانسان هو الى ممكن يغير فى الزمان والمكان والبلد
وتقريبا معظمنا مش وصل لدرجة انه كاره نفسه
بس المشكلة فى اننا ساكتييييين
زى مايكون اتعودنا اننا نبقى مش عايشين
وراضيين كده وخلاص
لكن مابنسألش
احنا فين؟
عدى مننا قد ايه وعملنا فيه ايه؟
والباقى من عمرنا ايه هنعمل فيه؟
بقينا ساكتين مستسلمين
متقبلين
جرح يأس ضياع ...........الخ
طب لييييييييييييييييه
انا كمان عايزة اعرف انا فين

متهيألي أجمل موضوع في الصفحه الأولى ينطبق عليه اسم القسم فعلا
تسلمي جدا يا lover heart على طرحه
تسلمي يا مفكرة منتدانا
أخش بقى في ردي

عاجبني جدا طرحك ونقاط سؤالك نقاط هامه جدا ومحتاجين فعلا كلنا نسألها لنفسنا وأنا مش هعمم وأرد بقى عن شخصي ووضعي مع كل نقطه من النقاط دي

أولا: أنا فين وإيه موقعي بالظبط في رحلتي في الحياة

بصي يا lover heart وجهة نظري عن الرحله والطريق بسيطه جدا ومعادله متهيألي في دماغنا كلنا
الرحله ليها بدايه ولازم أكون مخطط أنا عايز أوصل لفين ولازم يكون معايا الزاد الكافي وكمان العوامل اللي تساعد على مواصلة الطريق غير الزاد

أنا فين من البدايه... أنا أخدت الخطوه الأولى في حياتي العمليه بدأت مشروع بسيط ويا رب يكبر بس مش هقدر أتوسع كتير في الوقت الحالي لأن خطوة الدراسة لازم تنجز برضه وأنا مش عايز حاجه تيجي على حساب حاجه ما أنا مأخدش خطوه في مجال وأوقع مجال تاني

زادي.... الحمد لله شايف إن عندي إصرار وطموح وعزيمه ومستعد أموت بس عهلشان فكره أنا مؤمن بيها مش عشان حلم وهدف بس
زادي كمان..... إني بحاول أثبت على قرب من ربنا وإن كنت بكون أحيانا بعيد وعلاقتي للأسف متذبذه بس ربنا يهديني ويتوب عليا ويتقبلني

من أهم العوامل التانيه اللي من وجهة نظري لازم تكون موجودة الصحبة اللي تؤمن بأفكاري وتساعدي على الوصول ودول الحمد لله ربنا رزقني بيهم ويا رب ما تفارق حاجه بنا أبدا

أما بقى عن نظرتي لوضعي الحالي فأنا راضي عنه بس مش مكتفي من وجهة نظري الرضا مش معناه الاستسلام للواقع وعدم الرغبه في التغير والتقدم للأفضل فأنا لازم أكون راضي وحامد ربنا عليه لكن برضه أعمل للأحسن وأسأل ربنا المزيد ده حتى سيدنا النبي قال "إذا سألتم الله الجنة فاسألوه الفردوس الأعلى...." يعني سيدنا النبي نفسه بيأمرنا بالطموح

قضيتي
مجتمعي والناس اللي حوليا ورغبتي في التغيير وإني ميجيش عليا يوم وتعميني أحلامي الشخصيه عن أحلامي العامه

هدفي
عارف أنه مش سهل بس هوصله لو جوه صدفه في آخر أعماق المحيط "أصل هدفي زي الجوهرة"

حلمي
لازم أكون شخصيه لها من التأثير اللي يخليها قادره على تغيير واقع وفكر جيل أو مجتمع شايف إن في مبادئ كتير لازم يعاد زرعها

ايماني
مؤمن جدا بأفكاري معتقد فيها مخليها جزء من عقيدتي وأنا مشرع ما دامت أفكاري لا تخالف العقيدة
علشان كده قدستها وعلشان كده هموت علشانها

آسف على الاطاله.. بس سخونة الموضوع جلبت الكثير من عباب النفس الدفين
أشكرك الأيادي الكريمة كثيرا مرة أخرى
وأتمنى على الله أن يزيد مفكرة منتدانا إبداعا وتألق
شكرا جزيلا lover heart
[ندعوك للتسجيل في المنتدى أو التعريف بنفسك لمعاينة هذه الصورة]