مش جاى اصالحك

مش جاى اصالحك .......

انا جى اتطمن عليكى

عملت ايه الدنيا فيكى ؟

عرفتى تعيش من غيرى ؟

زى ما عشت من غير عنيكى؟





وكلامى ده كله فى صالحك

وعلى فكره


انا مش جى اصالحك ....



انا جى اشوف وصلتى لفين

انا اجى اشوف قلبك حزين

انا اجى مش شايف عنيكى

اصل الغدر ممكن يدارى العنين

اتمنيت انك يا غالى تكون بكيت

وبتلومى نفسك وتقولى ياريت

وبردو لسه جويا جرحك

وعلى فكره








انا مش جى اصالحك ......





لاقيتى حبك التانى ؟

وقلبك ما بقاش وحدانى ؟

يعنى فرحتى ؟

وحياتك بقى ليها معانى ؟

امال ليه دموع عيونك





اه

هو حبيبك التانى قدر يخونك

فعلا صعبتى عليا

شوفى ازاى بتترعش ايديا

بس مش حب فيكى

دا ندم انى يوم عرفتك فى الدنيا ديا

يعنى انسى انى ممكن اسامحك

وعشان ترتاحى








انا مش جى اصالحك .......




انا جى اشوف دموعك

واشوفك راجعه فطريق رجوعك

ومش هندم على حبى اللى كان

مانا بحر الندم جوايا احزان

ممكن افتكرك ساعات

اصل الذكرى دى طبع الانسان










وفى النهايه بقولك

كل سنه وانتى وحيده

كل سنه وانتى بعيده

كل سنه ودايما دموعك

تملى عليكى دنيا جديده








عرفتى ليه

مش جى اصالحك
......

منقوووووووووووووووووووووووول

شكرا ياسيادة المدير تعيش وتقطعنا
انا اعتقد ان بقلمك فى الاول لكن تعددت الاقلام والالم واحد
مش فارقة كتييير
عموما تقبل مرورى وشكرا ع التقطيع

اولا تقطيع ايه؟
ثانيا الموضوع منقول
ثالثا تشرفت بمرورك ونورتي المنتدي

اولا انا اى حاجة اى حد بيحطها باحساس بتقطعنى
ثانيا انا مش بيهمنى انه منقول لان حضرتك لو مكنتش حسيته مكنتش نقلته
ثالثا شكرا
وانا عارفة انى منورة ده الطبيعى بتاعى اصلا

اولا شكرا علي الاحساس العالي الي انتي بتتمتعي بيه ده
ثانيا هوا فعلا الموضوع عجبني جدا
ثالثا خلاص مضلمه وده كان نور اللمبه ههههههههههههههه
ايه الثقه دي ؟؟؟؟؟؟

اولا ايه بتتمتعى بيه ده هو كان علبة عصير
ثانيا ماشى اعمل ايه يعنى ماانا عارفة
ثالثا ايوة آنى واثجة فى نفسييييى
ويارب اللمبة تتحرق هه

اولا انا بحب العصير بتاعي يكون فراوله
ثانيا ما انا عارف انك عارفه
ثالثا انتي مناه يا آنسه ههههههههههههههه
واللمبه اتحرقت حرام عليكي

اولا هى مش بقالة من غير بواب هنا
ثانيا طالما انا عارفة حضرتك بتعرفنى ليه حاجة غريبة اوى
ثالثا انا من عندى
وطالمبا اللمبة اتحرقت يبقى انور انا بقى
انا بقول نمسح التوبيك اريح
ههههههههههههه
آنى بضحك معاك خخخخخخخخخخخخخخ

اولا مفيهاش حاجه لما نفتح مشروع صغير جوا المنتدي اهو مشروع للشباب الي هيتخرجوا
ثانيا زياده تاكيد يمكن تكوني ناسيه ولا حاجه
ثالثا نوري براحتك بس حاسبي لحسن الكهربا تيجي غاليه عليكي
والله فعلا انا من رئيي نمسح الموضوع ده برضو
هههههههههههههه
بهزر يا رمضان مبتهزرش

[ندعوك للتسجيل في المنتدى أو التعريف بنفسك لمعاينة هذه الصورة]
لا بهزر

خلاص كفايا الموضوع باظ
هههههههههههههههههه

انا كمان شايفة كده
عموما دع الخلق للخالق
[ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههههههه

فعلا علي رئ الي قال
ملنــــــــــــــاش دعوة

موضوع هايل تسلم عليه يامحمود



[ندعوك للتسجيل في المنتدى أو التعريف بنفسك لمعاينة هذه الصورة]

ثانكس حبيب الروح علي المرور الجميل ده
ثانكس ندا علي المرور الرائع ده
[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههههههههه
كويس الموضوع مش باظ اوى اهو
كويس ان لسة ناس بترد والله
انا بقول اخرج من الموضوع احسن
انا مالى

بصراحة التوبيك توووووووووحفة توبيك م الاخر يعنى

تسلم عليه يا ادمن

[ندعوك للتسجيل في المنتدى أو التعريف بنفسك لمعاينة هذه الصورة]

موضوع حو كتييير واحساس عالى جدااااا تسلم ايديك

شكرا علي مرورك يا مون
مرورك زاد الموضوع جمال [ندعوك للتسجيل في المنتدى أو التعريف بنفسك لمعاينة هذه الصورة]