اقطع كشف وادخل

طعا انا اول حد هيقطع كشف ويدخل لانى عايزة اتكلم
فى حين انى مش عارفة اذا كان صح انى اتكلم او لا
بس انا حاسة انى عايزة نصايح او عايزة حد يسمع وخلااص

انا عندى مشكلة كبيرة جدا وهى الخوف وطبعا مش الخوف الى هو انى اخاف من كلب وقطة وكده
لكن خوف معنوى بيدمرنى وفعلا حسيت لفترة انى مريضة
كنت بخاف من كل حاجة
لما كنت بفرح كنت بفضل خايفة ان الفرح ده ينتهى
ولما كنت بتجرح او بتالم كنت بخاف الالم ده يدوم
دايما خايفة من بكره
خايفة اقابل انسان يجرحنى
خايفة كل حاجة

وكنت بدات هخسر صحابى بسبب الخوف
يعنى مثلا وانا مع صحابى كويسة وزى الفل ولما بيمشوا -بخاف- ينسونى
ولما بنزعل -بخاف- يكرهونى
ولما بنقابل ونتصالح -اخاف- يكونوا بطلوا يحبونى
تخيلوا الى بعملوا فيهم من كتر ماخايفة اخسرهم

حتى لما كان حد من صحابى يشكر فيا وكان فى البعض للاسف بيصفونى انى ملاك ومش بغلط ولا ولا ولا
كنت بخاف يكونوا بيجاملونى وكنت بكره نفسى كل ماحد يشكر فيا

حتى دلوقتى وانا بكلمك او طول الفترة دى خايفة حد يكون شايفنى حد سخيف واسلوبه مبالغ فيه
خايفة اكون بعمل غلط لما بتكلم
بس حاليا انا بحاول اتخطى واعالج شبح الخوف الى بيدمرنى
يمكن يهيا ليكم ان الكلام ده تافه وكده لكن فعلا انا حاسة انى كنت مريضة نفسيا
تفتكروا العلاج ايه

مش غلط ان الانسان يخاف علي الي بيحبهم
بس لازم درجه الخوف دي مش تزيد لحد ما تبقي فوبيا
يعني الانسان الطبيعي المفروض يخاف من حجات

بالنسبه انك بتخافي من ان الفرح ينتهي والحزن يستمر
اعتقد انك في طفولتك مكنتيش بتحبي تلعبي كتير
او بمعني اصح موصلتيش بطفولتلك بالمرحله الي تخليكي تبقي هطيري من الفرح
ومش تخافي مفيش فرح بيستمر ولا حزن بيستمر
طول ما الانسان عايش لازم يفرح ويحزن وضحك ويبكي
وبينسي لانه انسان من النسيان

اما الخوف علي اصحابك للدرجه دي
بجد ده مش وحش نهائي حتي لو ذاد عن الحد بس المهم يكون اصحابك دول يستاهلي انك تعملي كده علشانهم
واقولك علي حاجه كمان
انا حاسس انك انطوائيه زياده عن اللازم يعني اصحابك معدودين

حتى لما كان حد من صحابى يشكر فيا وكان فى البعض للاسف بيصفونى انى ملاك ومش بغلط ولا ولا ولا
كنت بخاف يكونوا بيجاملونى وكنت بكره نفسى كل ماحد يشكر فيا
!!!!!!!!!!!!!!!!
ليه للاسف
وشاطرة بس تقولي بلاش تظلم نفسك وبلاش تعمل كده في نفسك


خايفة حد يكون شايفنى حد سخيف واسلوبه مبالغ فيه
خايفة اكون بعمل غلط لما بتكلم

تفتكري يعني مين الحد السخيف الي ممكن يكون بيشوفك؟
حتي لو في حد سخيف زي ما انتي بتقولي بيشوفك
انتي مش بتعملي حاجه غلط
ده منتدي عام مش دردشه خاصه
يعني الناس كلها بتشوف الكلام ده
لو كل واحد هيفتكر ان الي بيعمله ده غلط محدش هيدخل يتكلم ولا يعبر عن شعوره ولا اي حاجه هتحصل

ده غير انك اصلا مش معروف انتي مين ولا اسمك الحقيقي ايه يبقي ليه الخوف
حد بيخاف من لا شئ؟؟؟؟
عموما ربنا يكرمك وتقدري تتخطي مشكله الخوف دي
والحمد لله اني مش بخاف من حاجه ولا بخاف علي حاجه




متنسيش تدفعي للتمرجي الي هوا جيزاوي فلوس الكشف
ههههههههههههههههههههههههههههههه

خايفة حد يكون شايفنى حد سخيف واسلوبه مبالغ فيه
خايفة اكون بعمل غلط لما بتكلم

انا ماكنتش اقصد بيها ان حد يشوفنى بالمعنى الى حضرتك فهمته خالص
انا سرى زى علنى مابعملش حاجة من غير مابيتى كله وعلى راسهم اخويا بيكون عارفها
انا كنت اقصد ان حد من الاعضاء يكون شايف ان اسلوبى انا سخيف
وان يكون وجودى كعضوة غير مرغوب فيه بس
هى دى وجهه نظرى
وعلى فكرة انا كنت حد اجتماعى جدا بس من كترماكرهت نفسى وظلمتها
بقيت اتجنب الناس ومبقتش حتى عارفة اتعامل معاهم
لكن بقالى فترة بقيت احسن الحمد لله الى حد ما بدات اجتماعياتى ترجع كما كانت
خصوصا ان فى دكتور فى الكلية كنا فى رحلة علمية وكده ولما اتكلم معايا
قالى انتى انسانة رائعة وبدا ينادينى مرة بمرة بيقولى انا مبسوط ان لسة فى زيك
فالى حدا ما ثقتى بدات ترجع بس تا تا تا
وشكرا
مش عارفة اقول يافخامة الرئيس ولا يادكتور

انا كنت اقصد ان حد من الاعضاء يكون شايف ان اسلوبى انا سخيف
وان يكون وجودى كعضوة غير مرغوب فيه بس
هى دى وجهه نظرى

الي يشوف عضو انه سخيف من غير ما يعمله حاجه يبقي هوا الي سخيف
وكفايا ان الادمن بذات نفسوياته بيقولك المنتدي منور بوجودك
والحمد لله انك ابتديتي ترجعي زي زمان ومش مهم ترجعي بسرعه المهم ترجعي وخلاص
وبلااش تظلمي نفسك تاني


هههههههههههههههههههههه
قولي الي تقوليه بس بعيد عن الرئيس دي والنبي هههههههههههههههههههههههههه

جولدن نورتينى ياقمر وعلى فكرة والله كان يهمنى جدا انك تدخلى مااعرفش ليه
ومبحبش كلمة سورى دى انا لما اتكلمت كنت لانى عايزة حد يسمعنى
ويدينى نصيحة مش يتكلم ويبوز كل حاجة بكلمة سورى
وبعدين انتى ماصدقتى اعتبرتى نفسك الدكتورة كده من اولها
امال لو اتشهرتى شوية هتعملى ايه هههههههه


نيجى لعم جيزاوى التمرجى

جيزاوى هو التمرجى الى بيقطع الكشف

اييييييييييييييييييييييييييييييه
يااااااااااااااااااااااااااااااااااانهااااااااااااااااااااااااااارو اوووووووووووووووووووووووووسد
اشكمني مليش ضهر يعني هنا ولا ايه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هههههههههههههههههههههههه
اانا تمرجي انا
هههههههههههههههههههه
كويس انى خليتك تمرجى ده المدير كان هيخليك بدل عم عبده البواب وبعدين هو فى حد لاقى شغل احمد ربنا
احسن الدكاترة يقطعوا عيشك ويرموك انت وعيالك فى الشارع
ههههههههه

نسيت اقولكم واضح انى ماصدقت وشكل العيادة دى معمولة لحسابى هههههههه
استحملوا بقى
بس الامتحانات ع الابواب وع الشبابيك وخلاص
مشكلتى بقى انا من البداية دخلت قسم مش عايزاه ومش غصب منى
مش دى المشكلة بس انا عموما ماكنتش بتاعت مذاكرة بس كان عندى القدرة على الالمام فى وقت بسيط
وماكنتش بذاكر ولا بحضر اصلا غير لما ماما تقولى انزلى الجامعة وراضينى
وكنت بنجح وبجيب درجات بترضينى والعيال صحابى كانوا بيحقدوا عليا جدا
لدرجة انى فى يوم من كتر ماانا مبحضرش اشتريت كتاب انجليزى بتاع قسم مش قسمى وانا مااعرفشى
وذاكرت الكتاب كله واتفاجئت فى الامتحان ان البنات بيراجعوا من كتاب ومقرر تانين خالص
والحمد لله تقريبا جبت اعلى من صحابى فيها وانا على فكرة ماليش فى الغش
المهم يوم مابدات احب القسم شوية فى اخر الترم الاول السنة دى
ماذاكرتش غير مادة واحدة بس ايه مذاكراها ومراجعاها
انجح فى كله واشيلها
كانت بالنسبة ليا حاجة وجعتنى اوى
كان نفسى اشيل اى مادة غيرها لكن مايتى شايفة ان ربنا بيجازينى
فى المادة الوحيدة الى ذاكرتها لانى مابتعلمش انى بنجح من غير مذاكرة ومش بذاكر
بس بقيت اخاف اذاكر
كلوا بدا يضحك عليا كل مااقول لحد على المادة الى شلتها يضحك ويقولولى ماتذاكريش
علشان تنجحى وفعلا بقيت خايفة اذاكر لانى تعبت جدا فى المادة دى وحليت كويس وشلتها ههههههه
شر البلية مايضحك
بس حتى مابقاش عندى القدرة على الامام زى ماكانت عندى مااعرفش ليه بس ربنا يستر

يانهار ابيض ايه الغضب ده كله
خلاص والله نعين الادمن تمرجى لو تحب
وجيزاوى يمسك نقيب الاطباء
المهم انا مش بحب الغضب
الطيب احسن

[ندعوك للتسجيل في المنتدى أو التعريف بنفسك لمعاينة هذه الصورة]
اظن مفيش غضب اكتر من كده
ال الادمن تمرجي ال
ده انا اقفلكم العياده

هههههههه
ايه ثورة الغضب دى انا بقول نقفلوا العيادة
او واضح اصلا ان مافيش عيانيين فمش هنحتاج تمرجى
واضح انى انا الى فعلا كنت تعبانة واييييييييييييه
اى خدمة جيزاوى علشان ماتقولش بس ماليش ضهر فى المنتدى ده
انا مااقبلش الاهانة والاستهانة وايييييييييييييييييه

المشكله الي عايزكم فيها اليومين دول
الواحد مش لاقي حد يثق فيه ويكون اهل للثقه دي
والكلام مش خاص بالحب بس
يعني انا بالنسبه ليا
انا اصلا بطبعتي اجتماعي يعني لو قعدت مع 50 واحد
اقل حاجه يبقي 45 منهم يبقوا اصحابي
بس مع كده مفيش حد عرفته الا وخيب ظني فيه
اخر مرة حصل معايا كده
كان واحد عايز يلغيني خالص من علي وش الدنيا
كان عايز ياخد كل حاجه بتاعتي مني وعليه قدرة اقناع
كانه سحر
بس الحمد لله فوقت بس متاخر شوية
فوقت وكنت قربت اديله كل حياتي كلها
انا بقي هسال السؤال المعتاد؟
هوا الواحد لازم يكون خبيث ولئيم علشان يعرف يعيش؟
احنا بقينا عايشين في غابه؟.
انا ممكن اكون ملك الغابه دي بس مش قادر اكون كده
مكدبش عليكم والله حاولت اني اكون وحش
بس بحس ان في حاجز بيقف قدامي
قولولي اعمل ايه؟

جولدن تسلمى ياقمر نورتينى

نرجع لمشكلة سيادة المدير
انا بقي هسال السؤال المعتاد؟
هوا الواحد لازم يكون خبيث ولئيم علشان يعرف يعيش؟
احنا بقينا عايشين في غابه؟.
انا ممكن اكون ملك الغابه دي بس مش قادر اكون كده
مكدبش عليكم والله حاولت اني اكون وحش
بس بحس ان في حاجز بيقف قدامي
قولولي اعمل ايه؟


هى فعلا الدنيا بقت غابة والقانون السايد هو البقاء للاقوى
بس احنا لازم نخلى البقاء للاصلح
وجود الصدق دلوقتى بقى حاجة نادرة جدا بس ده مايمنعش ان لسة فى ناس قلة كويسين
ممكن نقابلهلم وممكن نحاول نكلم كل شخص من الحاجة الحلوة الى جواة
عمر الحل ماهيكون اننا نحاول نتعايش علشان نعيش
لكن الحل اننا نحاول نحافظ على نفسنا من الانقراض
خليك عارف دايما انك طالما صادق يبقى ربنا معاك وهيحفظك
القوة هى قوة الايمان ايمانك بمبادئك بنفسك بانك الصح
فى مجتمع غلط
واضح انى مش بنفع اكون دكتورة
بس لينا استشارة قريب ان شاء الله
وبعدين نسيت ارحب بيك مش انت التمرجى الجديد ولا ايه
هههه

كلامك كله زي الفل
بس اخر حته دي ضيعت كل الكلام
تمرجي مين؟؟؟؟؟؟؟؟؟؟؟؟
انــــــــــــــــــــــا؟؟؟؟؟؟؟
بس بس