رسالة حب

والله العظيم بحبك

خاطرتي
[ندعوك للتسجيل في المنتدى أو التعريف بنفسك لمعاينة هذه الصورة]
دا اعتراف مني لعيونك بس ليهم ................انا بحبك
أقولك سر صغير جدا ........ بجد بحبك
بحبك جدا
من غير ليه ولا حتي ازاي
حبك زي قانون اجباري اتكتب علي قلبي هواه
لأ مش مكتوب دا منحوت جواه
منحوت بخط عريض من اول ما اتخلق قلبي
اسمك دا نور يتغني بيه الطير واحساس يملا القلب نسيم ويدني الحياه
آه......... انا نسيت اقولك من ثواني
بحبك لآخر عمري وبعد مايخلص ................................... هحبك تاني
مهما حصل منك هفضل أحبك
بحب دموعك المخنوقة في سماكي وبسمة ليلك الحزينة تحت ضي القمر
بحب النسيم في شوارعك يصحي الناس لحد الفجر
أحبك وانتي جميلة أوي زي عوسة في أجمل يوم
وأحبك وانتي متبهدلة وبتشكي حالك للنجوم
بحب النيل يتمختر بين الصخور وفوقه الشمس بتضحك جامد
تصدقي ......... أنا حبيت جاهين علشانك !ـ
ماهو علي اسمك كتب وقال أشعار
بحبك لما تتغاظي من القهر فتفكرينا بعظمتك وتقيد قلوبنا نار
بحبك وانتي حساسة أشكي لشوارعك همي وتطبطبي عليا
ولما أبكي وأصرخ أحس كأنك بتمسكي اديا
واسمع همسك في قلبي يطمني ويحط الامان فيا
كل دا ومش عايزاني احبك
لا يا مصر ..................... والله العظيم بحبك