مابتحصلش كتيير.

مابتحصلش كتير

كتب على سلامة ٣/ ٢/ ٢٠١٠
لما تقوم الصبح لوحدك
فايق أوى
فرحان..
والدنيا بتاخدك بالحضن
من غير لف ودوران..
وإنه كمان مسموح لك تحلم
وبدون استئذان..
لما تحس بروحك طايرة
وبتقرب منك
وقلبك رغم الحزن يقولك
مش زعلان منك..
وإنك لسه بتقدر تعشق
وإن الكلمة بتطلع سهلة
مش غصب عنك..
وإن حياتك كلها تفرق
عن كام ساعة فاتوا..
وإن النقط السودة ف توبك
اختفوا أو ماتوا..
وإنك حد مصالح روحه
وبيحب حياته..
إياك تسأل ليه وإزاى
وتدور على تفسير..
وامسك فيها بعمرك كله
وأوعى تسيبها تطير..
أصلها حالة جميلة جميلة
ومابتحصلش كتير..



منقول عن جريدة المصرى اليوم.

بأذن الله

تسلم لمرورك

مووووووووووووووووووون مش عارفة اقولك ايه بس
انا الراجل ده بحبه جدا بجد
انا مش بسمعه انا بحسه وببقى نفسى كل الناس تحسه لانه بجد جميل
واكيد لانك اجمل عشان تختاريلنا الكلمات دى

تقبلى مرورى

وإنك حد مصالح روحه
وبيحب حياته..
إياك تسأل ليه وإزاى
وتدور على تفسير..
وامسك فيها بعمرك كله
وأوعى تسيبها تطير..
أصلها حالة جميلة جميلة
ومابتحصلش كتير..

امسك فيها واوعي تسيبها تطير
بجد كلام اكثر من رائع

تسلموا لمروركم

ومنيح انه عجبكم

تسلموا ع مروركم