جربت تخاف منك؟؟

موضوع: جربت تخاف منك؟؟ الأحد يناير 10, 2010 5:58 am

يا ريت متكنوش استغربتم العنوان قوي لأن ده بجد سؤالي.. يا ترى حد فيكم جرب قل كده إنه يخاف من عقله.. إن عقله يحتوي على أفكار سيئه أو شريره أو أيا كان تصنيفها لدرجة إنه يخاف من عقله.. يخاف إنه يطلق له العنان..
أنا عارف إن العقل والفكر البشري متفاوت.. أنا عن نفسي بصنف الناس في الجزئيه دي في 3 درجات..
درجه فيها الناس الصافيه اللي في غاية البرائه اللي دماغهم مش بتيجي فيها حتى الافكار الوحشه (وانا عارف ان دول حاجه نادره جدا دلوقت)..
ودرجه فيها الناس الاقوياء اللي هم كويسين في نفس الوقت اللي بتيجي في دماغهم أفكار سيئه بس هم بيطردوها تماما من فكرهم..
ودرجه بحط فيها الناس اللي اقل من كده اللي هم بتيجي في دماغهم الافكار السيئه دي وبينفذوها (ودي درجه عريضه جدا لأن الموضوع مفاوت تماما في النسبه اللي كل واحد بيطبق بيها)..
بس برضه يبقى سؤالي.. حد جرب انه عقله يتملي بالافكار دي لدرجة ان اكبر حاجه يكون بيخاف منها في حياته هي عقله.. مش لازم يكون وصل للدرجه دي الموضوع متفاوت زي ما قلت.. بس يا ترى في نسبه؟؟؟
مستنيكم ومستني ردودكم.. ومستني اعرف مدى خوفكم.. (إن وجد عشان محدش يزعل)

اسوء سوء هوا سوء النفس

مش شايف ردك له علاقه بهدف الموضوع يا dr_khtab.. أنا فاتح موضوع نقاشي.. عايز اعرف اللي جوانا.. عايزين نتكلم يا dr_khtab نتكلم.. نقول من جوانا ها..

بصراحة انا مااستغربتش العنوان ده اولا
ثانيا انا مع اى موضوع يكون فيه مناقشة
ثالثا بقى انا عقلى مش بخاف منه لانه اصلا مايعرفش حاجة فى اى حاجة
هى بس مشكلتى ان افكارى كلها كانت تحت شعار(مافيش فايدة) فكنت بخاف من استسلامى لليأس
بس دى ماتعدش افكار سيئة

عموما فكرة مناقشة كوبسة بس ده ان كان فى حد ليه فى المناقشة

تقبل مرورو وياريت مااكونش مزعجة ودمى تقيل

بس ممكن اضافة اخيرة ياريت الردود ماتبقاش ايموشن وتوبيك هايل والكلام ده كله
ياؤيت الردود تبقى مناقشات واراء وشكراااااااا مرة اخيرة وكمان لانى طولت اوى

طبعا سيدة حوار المنتدى سعيد جدا بتشريفك للموضوع يا lover heart..
اولا مش عايز امر مرور الكرام على كلمة (ان كان فى حد ليه فى المناقشة) وهعتبرها تحت شعار اللي انتي قلتيه بنفسك (مافيش فايدة).. بس أنا مش معاكي طبعا في كده ودايما في فايده.. حتى لو كانت الفايده اقل مما كنا ننتظره (وان كان البعض بيفسر ده بانه مفيش فايده) فده لا يعني ابدا عدم وجود فايده..
أما بالنسبه لحتة ان اللي انتي اشرتيلها دي وبتعتبريها افكار مش سيئه.. انا مش معاكي ابدا يا lover heart.. لا هي سيئه وأسوأ كمان من الافكار اللي مشهوره بتعبير السوء (واللي هي المقصود بيها الاسائه الى الآخرين).. تقليلك من نفسك.. تحبيطك لأحلامك (او عدم حلمك اصلا).. اكيد ده شيء مدمر..
مره تانيه سعيد جدا بمرورك (اللي عمره ما كان مزعج او دمه تقيل ولا كان فيه تطويل من غير فايده), وأخير انقل اليكي كلمه اؤمن بها كثيرا (وهذا من باب النقل فقط)..
اذا لم تكن لديك القدره على حب نفسك.. فكيف ستفرز هذه النفس الحب للآخرين..
وعن الطموح..
قال (صلى الله عليه وسلم): "أعمل لدنياك كأنك تعيش أبدا.. واعمل لآخرتك كأنك تموت غدا.." صدق (صلى الله عليه وسلم)
ملحوظه هامه: النبي هنا قدم ذكر الأمر الخاص بالدنيا على الشق الخاص بالآخره وهذا ليس تعظيما لشأن الدنيا على شأن الآخره.. ولكن لكي نضع نصب أعيينا وبأهمية كبيره (العمل وكأننا نعيش أبدا)..
مش هعتذر زيك لأني طولت (وإن كنت طولت أكتر منك كمان) بس طبيعة النقاش التطويل.. ويا رب اشوفك تاني.. ويا رب اناقش ناس تاني.. ومتنسوش.. مستنيكم..

بصي يا همس انا اقصد ان فكرة ان سوء النفس هيا فعلا ليها علاقة بسوء العقل
يعني انا ساعات كتير بيجي في دماغي كتير ان انا اعمل حاجات كتير بتكون عنيفة جداااابس طبعا الحمد لله مش بعملها وده يمكن مش بيكون طبيعة في الواحد بس دي بسبب ضغوط كتير يعني مثلا انا بعتقد ان الافكار دي بتجيلي نتيجة الراياضة الي الواحد بيلعبها
بس بردوا انا قصدي ان ديما نفس الواحد امارة بالسوء بس طول ما في تربية كويسة وتمسك بدين ربنا اعتقد ان الموضوع مش هيكون سي بصورة مطلقة

هوموضوع جامد ياهمس السكون بس فعلا ساعات الواحد بيخاف من عقلة لانه ممكن بسهولة يسمع كلام قلبة وهى دى المشكلة اللى ممكن تخلى الانسان يتصرف تصرف سريع بس بصراحة ايه اللى جاب السؤال ده لتفكيرك وياريت تجوبنى بصراحة

انا بخاف من ان عقلي فيوم يقف ويخليني اعمل حاجه اندم عليه مع اصحابي موضوع هايل عبدو [ندعوك للتسجيل في المنتدى أو التعريف بنفسك لمعاينة هذه الصورة]

» هل جربت ذلك يوماً؟
» هل جربت الحيره؟
» هل جربت يوماااا
» هل جربت ان تكون وحيد ؟
» [center]مما تخاف[/center]