لأ انتى قلبك مش من حجر

هما بيقولوا عليكى يامصر كده ليه
وحجر ايه ده بس الى بيقولوا عليه
الحجر ده هما الى رموكى بيه
بقى بعد ده كله يظلموكى ويقولوا انتى قلبك من حجر
لأ يامصر انتى احن قلب
ده انتى شلتى هم مايقدرش عليه حد
ورغم قسوتنا عليكى مستحملانا وبيبان اصلك وقت الجد
ياحبيتى احنا الى قسينا
وبنقول عليكى نسيتينا
ونسيب حضنك ونجرى بعيد
ونقول انك انتى الى سبتينا
احنا الى بنعمل فيكى الى مايتعملش
ونعيب فيكى ومانعرفش ان العيب فينا
ونصرخ ونقول حرام عليكى ارفتينا
لازم نسيبك عشان نرتاح
ونلاقى حتة نطمن فيها
مع ان كل الى بيحصل ده
احنا الى بنعمله بادينا
صدق الامام يوم ماقال
نعيب زماننا والعيب فينا
انتى ام الدنيا يامصر
بس ابوس ايدك
حنى علينا شوية وضمينا

[ندعوك للتسجيل في المنتدى أو التعريف بنفسك لمعاينة هذه الصورة]
وولكم باك

ميرسى سيادة المدير [ندعوك للتسجيل في المنتدى أو التعريف بنفسك لمعاينة هذه الصورة]

ميرسى كتير زوفاج ولو انى مش حاسة انه عجبكم
لان محدش ادى رأى بس اكييد شرفنى مروركم