رمضان مختلف

موضوع: رمضان مختلف الثلاثاء أغسطس 10, 2010 8:03 pm

[size=16]السلام عليكم ورحمة الله وبركاته

كل سنة وانتوا طيبين بمناسبة الايام المباركة ف شهر شعبان وبمناسبة حلول رمضان
يارب يكون احلى واجمل واكتر بركه من اى سنة فاتت

قبل اى كلام
كل واحد يحمد ربنا دلوقتى ..مش بعدين..ان ربنا لسه كاتبله عمر وهو مازال حى لحد اللحظة دى (ويارب ربنا يدمها علينا نعمه) لانه ربنا كاتبله رمضان جديد بحسنات جديدة وثواب اكبر وصلاة اكتر ومحى سيئات لا تحصى ...ع عكس ان كان لسه من كام شهر ومن كام يوم ولسه يادوب امبارح..ف ناس ماتت ومش لحقت تاخد الثواب ده كله...فدى نعمه من ربنا لازم كلنا نقول دلوقتى
الف حمد وشكر ليك يارب ..اللهم ادمها نعمة علينا

وياريت كلنا نفتكر العضو كاركوشا وندعيله بالرحمة والمغفرة ف رمضان....هو فعلا مش معانا بس انت موجود..فياريت تستغل الفرصة دى ..الله اعلم رمضان الجى هيكون في ايه

المهم..ياريت كل واحد فينا يكون استعد ومش اى استعداد لازم يكون استعداد قوى جدااااااااا لرمضان السنادى ..مادام فينا روح يبقى لازم تكون روحنا وايمانا اكبر..ومادام كل سنة بنكبر فيها عن السنة ال قبلها يبقى اكيد عرفنا اكتر ف دينا ..ونفسنا نقرب اكتر لربنا ولطاعته

لازم تكون نيتنا صافية وخالصه لاى عمل لوجه الله ولنصرة حبيبه محمد عليه افضل الصلاة والسلام
من:
صلاة
صوم
سحور
عبادة
قراة قران
كل خطوة بتخطيها للمسجد ..وكل ركعه وكل سجده ..وكل ختمة قران
حتى الاكل..لما نيجي ناكل مش مجرد اننا بناكل عشان خاطر احنا جوعنا لا عشان خاطر نكون اصحاء
لان صحتنا غالية ع ربنا واكيد غالية علينا
والدعاء طبعا

طبعا كلنا عارفين ان الجو حر مووووووت والصيام..مش هقول انه صعب لان ربنا هيهونها ..بلاش ندخل جوانا احساس ان الصيام هيكون اصعب من اى سنة فاتت..لان اصلا الارصاد الجوية بتقول ان السنين الجية هتكون درجه حرارة الجو زينا زي الخليج ..فنحمد ربنا من دلوقتى لان دى نعمه مش هنحس بيها الا بعد كده ..الجو الفظيع ده هيكون افظع منه السنة الجية

المفروض اننا نستمتع بصيامنا ف الحر ده لاننا اكيد باذن الله هناخد ثواب اكبر
كل ما هنتعب اكتر كل ما هناخد ثواب اكتر واكتر

وبلاش عشان مش نحاول نضيع ف وقتنا بالصيام نشغل نفسنا بالمسلسلات ..نازل السنة دى حوالى 108 مسلسل...يعني حقيقي حسبي الله ونعم الوكيل .....مش عارفة اقول ع الناس دي ايه ..ولا عارفه هما بيخططوا لايه
عاوزين يضيعوا صيامنا يعني
لالالالالالالالالالالا و10000 لالالالالالالالالالالا مش هنضيع صيامنا وهنضيع اعمالكم كلها ال قعتوا تمثلوا قد كده..احنا بقى مش هنتفرج ع ولا مسلسل واحد

ياريت نواظب ع البرامج الدينية ..ياريت نخرج من رمضان واحنا مصفيين رصيد سيائتنا..ومزودين رصيد حسناتنا وثوابنا
قولوا يااااااااارب

الاهم بقى ان كل واحد ياخد نيه بجد انه مش يضيع رمضان ده من ايديه

دلوقتى بينا اختيار لكام شعار. هى ممكن مش تكون جديدة عليكم بس الاحسن اننا نتذكرها سوا ونختار منها كمان ال يناسبنا ...كل واحد فينا يختار الشعار ال يحبه ..ويكتبه ويعلقه ف غرفته
بحيث انه ديما يكون قدام عيونه....ويعمل المستحيل ليحقق اكبر نجاح ف شعاره

اتفقناااااااااااااا ؟؟

ساعبد الله كما لم اعبده من قبل

لن يسبقني الى الله احد

ساحيا بالقران

ساعيش بك ولك ومعك يا الله

ساكون عبدا ربانيا

5 جمل ..كل واحد يختار ال يعجبه بس تكون نيته بجد وخالصه لله ..وياريت يكتبها هنا معانا ..عشان تبقى روح واحدة جماعيه

ااااه ....ومحدش ينسى الدعاء ..اكيد كلنا بندعى وبندعى جامد ف رمضان ..بس الافضل اننا نخصص حوالى 3 او 5 او اى عدد تحبه من الادعيه ف كل صلاة وف كل سجده وفى كل لحظة افطار ووكل ساعات الليل وف كل خطوة لازم تدعى بيهم
عشان ربنا بيحب العبد اللحوح ف الدعاء ..ولازم يكون في يقين جااااااامد ف الله ان ربنا مش هيخرجك من رمضان ده الا وهو مستجيب دعائك ....

وان شاء الله ربنا هيبلغنا رمضان

اللهم انك عفو كريم تحب العفو فاعفو عنا

اللهم لا تخرجنا من رمضان هذا العام الا وان تكون قد كتبتنا من عتقاء النار واهل الجنه

اللهم بلغنا ليلة القدر

اللهم لا ترد دعاء احد منا

اللهم امييييييين اللهم امييييييييييييين

[/size]

اللهم انك عفو كريم تحب العفو فاعفو عنا

اللهم لا تخرجنا من رمضان هذا العام الا وان تكون قد كتبتنا من عتقاء النار واهل الجنه

اللهم بلغنا ليلة القدر

اللهم لا ترد دعاء احد منا

MآآآآآآآآآآآمينM

موضوع: رد: رمضان مختلف الأحد أغسطس 15, 2010 2:58 pm

ااااااااااااااااااااامين بشكرك لمسهمتك الجميله يا ادمن

» اقترب رمضان
» ماذا أفعل قبل أن يأتي رمضان؟