جدى العمدة

جدى العمدة

٢٤/ ٥/ ٢٠١٠
جدى العمدة راح زمانه
جدى العمدة ضاع مكانه
كان حلوانى عاملها سبيل
واللى يعدى عبى وشيل
مرة حلاوة طحينية
ومرة حلاوة سودانية
لو عايز ملبن هتلاقى
وابنك ياكل عسلية
جدى العمدة مات وارتاح
زمن البركة ولى وراح
وبقينا ف زمن الحرامية
اللى بينهبوا بالملايين
خلونا وسط النار عايشين
خلونا ف زمن العاطلين
لا مريض عارف يتعالج
ولا شاب عارف يتجوز
والكل ماشى يكلم نفسه
وغلابة ف الخرابات عايشين
يللا يا مصرى إصحى وثور
مش طول عمرك كنت جسور
أوعى تسيب حقك يتاكل
واخرج م الظلمات للنور
ثورة ورا ثورة سلمية
وقفة ورا وقفة احتجاجية
هنحارب كل الحرامية
يمكن نقدر نعمل حاجة
لنموت بالسكتة القلبية

د. خالد الشناوى- السعودية

[center]

منقوووووول

بصي يا مون هي كل القصيدة جميلة جدا
واحلي ما فيها
وبقينا ف زمن الحرامية
اللى بينهبوا بالملايين
خلونا وسط النار عايشين
جايبة العيشة المصرية بجد اختيار موفق
[ندعوك للتسجيل في المنتدى أو التعريف بنفسك لمعاينة هذه الصورة]

القصيده كلها رائعه بجد احيكي يا مون عليها
تسلمي [ندعوك للتسجيل في المنتدى أو التعريف بنفسك لمعاينة هذه الصورة]